Bakıda inşaat meydançasında kütləvi dava: Xəsarət alanlar var

"İlk İnşaat" şirkətinin Nərimanov rayonundakı inşaat meydançalarından birində işçilər arasında kütləvi dava baş verib.

İlk İnşaat şirəkitinin Nərimanov rayon ərazisindəki tikinti sahəsində türkiyəli fəhlələrlə azərbaycanlılar arasında kütləvi dava düşüb.

Ölkə.az-a daxil olan məlumata görə, türkiyəli işçilərin Azərbaycan vətəndaşlarını təhqir etməsi davaya səbəb olub. Məlumatı saytımıza bildirən mənbənin məlumatına görə, yerli işçilər qonaqları döydükdən sonra ərazini dağıdıblar. Bir neçə türkiyəli işçinin, o cümlədən davanın düşməsinin səbəbkarlarının ağır vəziyyətdə olduğu bildirilir. Mənbə bildirir ki, hadisə yerində türk vətəndaşı olan layihə rəhbəri də döyülüb.

Məsələyə aydınlıq gətirmək üçün "İlk İnşaat" şirkətinin ofisi ilə əlaqə saxladıq. Şirkətdən bildirdilər ki, hadisədən xəbərləri yoxdur və məlumatı dəqiqləşdirəcəklər.

Baş verən hadisəni araşdırırıq...

Səxavət Məmməd
Ölkə.Az