Netanyahu: "İranla razılaşma İsrailin varlığını təhlükə altında qoydu"

İsrail Qərbin nüvə məsələsində İranla gəldiyi razılığı sərt tənqid edib.

Ölkə.az İsrail mediasına istinadən xəbər verir ki, yəhudi dövlətinin baş naziri Benyamin Netanyahu ABŞ prezidenti Barak Obama ilə telefon danışığında bu məsələ ilə bağlı öz narazılığını ifadə edib.

Telefon danışığı zamanı Netanyahu ABŞ prezidentinə İranın nüvə proqramı ilə bağlı gəlinəcək tam razılığın İsrailin gələcəyini təhlükə altında qoyduğunu bildirib. Obama isə yəhudi baş nazirə ürək-dirək verərək razılığın beynəlxalq təşkilatlara İranda yeni yoxlamalar aparmaq üçün geniş imkanlar verəcəyini deyib.

Daha sonra Obama komandasına İsrailin təhlükısizliyini təmin etmək üçün tədbirlər görmək tapşırığı verdiyini bildirərək Netanyahunu sakitləşdirib.

Ölkə.az