Məşhur türk müğənnisi Kayahan vəfat edib

Türkiyənin məşhur sənətçisi Kayahan Açar vəfat edib.

Ölkə.Az-n türk mediasına istinadən verdiyi xəbərə görə, xərçəng xəstəliyindən əziyyət çəkən Kayahanın ölüm xəbərini ilk olaraq sənətçi Suat Suna “Twitter”dən verib.

Qeyd edək ki, Kayahan illərdir Türkiyənin ən populyar və kasetləri ən çox satılan pop müğənnilərindən biri hesab edilirdi. Onun mahnıları Azərbaycanda da çox sevilirdi. Musiqi dünyasına "Allahım nəydi günahım", "Ak deniz akşamları", "Bizimki bir aşk hikayesi..." kimi hit mahnıları ilə damğasını vuran müğənni Azərbaycanda da konsert proqramları ilə çıxış edib.

Xatırladırıq ki, 1990-cı il "Avroviziya" yarışmasında Türkiyəni məhz Kayahan "Gözlerinin hapsindeyim" mahnısı ilə təmsil etmişdi.

Ölkə.Az