BMT GUAM ilə əməkdaşlıq edəcək
Qətnamə qəbul edilib.
BMT-nin Baş Assambleyası BMT və Gürcüstan, Ukrayna, Azərbaycan, Moldova (GUAM) dövlətləri ilə demokratiya və iqtisadiyyatın inkişafı sahəsində əməkdaşlığa dair qətnamə qəbul edib.
Ölkə.Az Oxu.az-a istinadən xəbər verir ki, bu barədə BMT-nin yanında Ukrayna nümayəndəliyinin sədri Yuri Sergeyev məlumat verib.
“BMT Baş Assambleyası konsensus ilə BMT və GUAM arasında əməkdaşlığa dair qətnamə qəbul edib. Həmmüəlliflik üçün Litva və Polşaya təşəkkürlər”, - ukraynalı diplomat öz “Tvitter” səhifəsində yazıb.
2015-ci ilin əvvəlindən GUAM-da sədrlik Ukraynaya keçib, bu sədrlik cari ilin sonunda başa çatacaq.
