Rusiyalı məmuru azərbaycanlıya görə cəzalandırdılar

Rusiyanın Saratov vilayətində Pitersk rayon Federal Miqrasiya Sisteminin şöbə müdiri Liliya Boqaçova axtarışda olan azərbaycanlı cinayətkara pasport verib.

Bu barədə bu gün region üzrə İstintaq Komitəsinin İstintaq İdarəsinin mətbuat xidməti məlumat verib.

2013-cü ilin sentyabr ayında məmur xanıma Yusubov familiyalı bir kişi müraciət edərək, ona pasport verilməsini xahiş edib. Boqaçova onun kimliyini araşdırmayıb və lazımi identifikasiyanı aparmayaraq Yusubova T.A. adına pasport verib.

Sonradan aydın olub ki, özünü “Yusubov” kimi qələmə verən şəxs cinayət axtarışında olan Azərbaycan Respublikasının vətəndaşıdır.

“Boqaçova Rusiya Federasiyası Cinayət Məcəlləsinin 292.1-ci maddəsi (RF vətəndaş pasportunun qanunsuz verilməsi) üzrə ittiham edilərək günahkar bilinib. Məhkəmənin qərarına görə o, dövlət xidmətində və yerli özünüidarə orqanlarında bir il müddətinə vəzifə tuta bilməz”, Rusiya İstintaq Komitəsinin İstintaq İdarəsində bildiriblər.oxu

Ölkə.Az