Avropa Oyunları ilə əlaqədar daha bir yenilik

“Bakı-2015” I Avropa Oyunları ərəfəsində Üzeyir Hacıbəyli adına Bakı Musiqi Akademiyası Azərbaycan musiqisinin təbliği istiqamətində yeniliyə imza atıb.

Ölkə.Az Təhsil Nazirliyinin saytına istinadən bildirir ki, bu yenilik dünya musiqi xəzinəsində özünə layiqli yer tutmuş klassik musiqi irsimizi, muğam sənətinin incilərini şəhərimizin qonaqlarına tanıtmaqla bərabər, onların diqqətini Bakı Musiqi Akademiyasının memarlıq nümunəsi olan binasına cəlb edəcək.

Tədris ocağının binası üzərində quraşdırılan xüsusi avadanlıqlar vasitəsilə səsləndirilən klassik və milli musiqi nümunələri növbəti aylarda I Avropa Oyunları ilə əlaqədar paytaxtımıza gələcək çoxsaylı qonaqlarda, şəhər sakinlərində xoş təəssürat yaradacaq.

Ölkə.Az