“Samsung Galaxy Note 4”-ün qiyməti bəlli oldu

Sentyabr ayının 3-ü təqdimatı olacağı gözlənilən “Galaxy Note 4”-ün görünüşü və parametrləri haqqında artıq indidən internetə məlumatlar sızıb

Ölkə.Az xəbər verir ki, İndoneziyanın “Erafone” şirkəti “Samsung Galaxy Note 4”-ün 5.7 düyüm və 1.440x2.560 (515 ppi) Super AMOLED ekranlı olacağı haqda öz rəsmi səhifəsində məlumat paylaşıb.

Həmçinin optik görünüşlü, 16 meqapiksel kameraya malik olacağı gözlənilən “Samsung Note 4” iki fərqli model şəklində alıcılara təqdim olunacaq: Bunlardan birində  “Snapdragon 805(SM-N910S)”, digərində isə “Exynos 5433 (SM-N910C)” sistemi tətbiq ediləcək.

“Note” seriyasının  maraqlılarının həmçinin “Samsung”-un yeni telefonunda 4GB RAM, microSD dəstək, 128 GB yaddaş kartı və Android 4.4.3 sistemi ilə  üzü güləcək. 

Qeyd edək ki, telefonun ABŞ-da təxminən 812 dollar olacağı gözlənilir.

Gülnar Hüseyn

Ölkə.Az