"Facebook Messenger" yoxsa "WhatsApp"?

"Facebook Messenger" daha yaxşıdır yoxsa "WhatsApp"?

Son dövrün ən məşhur mesajlaşma tətbiqləri "WhatsApp" və "Facebook Messenger"dir. "WhatsApp"a səsli zəng xüsusiyyətinin də əlavə olunması hər iki tətbiqi daha da eyniləşdirib. Bəs iki xidmətin arasında hansı fərqlər var və hansı daha yaxşıdır? Bu müqayisə hansının sizə daha uyğun olduğunu qərar verməyiniz üçün köməkçi ola bilər.

Ölkə.Az "Hürriyətə" istinadla xəbər verir ki, həm "WhatsApp", həm də "Facebook Messenger" çox geniş istifadəçi kütləsinə sahibdir. "WhatsApp" dünya səviyyəsində 700 milyon, "Facebook Messenger" təxminən 500 milyon istifadəçisiyə malikdir. Hər iki xidmətdə mesaj, fayl göndərmə kimi xüsusiyyətlər var və hər ikisi də hesabı bağlamaq variantından məhrumdur. Yaxşı, onda aralarındakı fərqlər hansılardır?

"WhatsApp"da qeydiyyata düşmək olduqca asan bir işdir və bunun üçün tətbiqi yüklemek və telefon nömrənizlə qeydiyyatdan keçmək kifayətdir. Bunun ardından tətbiq telefon kitabçanızı yükləyir və mövcud "WhatsApp" istifadəçilərini siyahınıza əlavə edir. "Facebook Messenger"i istifadə etmək üçün isə bir "Facebook" hesabına ehtiyacınız var, ancaq "Messenger" telefon nömrənizin olmasını tələb etmir.

İki proqram arasında başqa əhəmiyyətli fərq isə "WhatsApp"ın pulsuz yüklənməsinə baxmayaraq, yalnız 1 il pulsuz istifadə olunmasıdır. 1-ci il bitdikdən sonra tətbiqi istifadə edə bilmək üçün hər il 0,99 dollar ödəmək lazımdır. "Facebook Messenger" isə sizdən heç bir ödəniş tələb etmir.

Üçüncü əhəmiyyətli fərq "WhatsApp" ilə videomesajlar göndərə bildiyiniz halda, "Facebook Messenger"də bunun mümkünsüz olmasıdır.

Bəlkə də ən əhəmiyyətli fərq "WhatsApp"ın ucdan-uca şifrələməsi sayəsində "Facebook Messenger"a nisbətdə daha çox daha etibarlı olmasıdır. Buna qarşı "Facebook Messenger" "Facebook" hesabınızın daşıdığı risklərin eynisini daşımış olur.

Ölkə.Az