Taliban polisə hücum etdi

Əfqanıstanda Taliban hücumu: 6 ölü

Ölkə.Az xəbər verir ki, Əfqanıstanın şimalındakı Sar-ı Marka vilayətində Taliban döyüşçüləri ilə təhlükəsizlik qüvvələri arasında çıxan qarşıdurmada 6 adam həyatını itirib.

Sar-ı Marka Təhlükəsizlik Müdiri Nur Habib Gülbahar talibançıların Balgali kəndindəki polis bölməsinə hücum etməsinin ardından qarşıdurma çıxdığını ifadə edib. Qarşıdurmada 3 yaraqlı ilə 3 vətəndaş polisin həyatını itirdiyini ifadə edən Gülbahar, hadisədə 4 döyüşçünün də yaralandığını söyləyib. Talibanın sözçüsü Qari Yusuf Əhmədi isə hücumda 2 militanla 3 polisin öldüyünü, 2 yaraqlı və 2 polisin də yaralandığını iddia edib.

Üç gün əvvəl də ölkənin şimal illərindən Kunduz və Faryabda Taliban yaraqlılarıyla təhlükəsizlik qüvvələri arasında çıxan qarşıdurmalarda 20 nəfər həyatını itirmişdi.

Rəşid Mustafazadə

Ölkə.Az