Kralın ordusu əsgərlərini itirdi

Yəməndə Husi üsyançılarına qarşı havadan hərbi əməliyyatlar həyata keçirən Səudiyyə Ərəbistanı ordusu yenə itki verib.

Yəməndə gedən şiddətli döyüşlər zamanı bu ölkənin ərazisindən açılan atəş nəticəsində Səudiyyə ordusunun iki əsgəri həlak olub. Onların sərhəddə xidmət etdikləri bildirilir.

Qeyd edək ki, ötən həftə də Səudiyyə Ərəbistanı ordusu itki vermişdi. Səudiyyə Ərəbistanı Daxili İşlər Nazirliyinin yaydığı məlumata görə, əməliyyatların yeddinci günündə Yəmən sərhədində Səudiyyə əsgərlərindən biri öldürülüb, 10-u isə yaralanıb.

Belə ki, sərhəddə dağlıq ərazilərdən Səudiyyə əsgərlərinə atəş açılıb. Bununla da ölən əsgərlərin sayı 3 nəfərə çatıb.

Qeyd edək ki, Yəməndə Husilərə qarşı başda Səudiyyə Ərəbistanı olmaqla havadan hərbi əməliyyatlar həyata keçirilir. Antihusi koalisiyasına Bəhreyn, Qatar, BƏƏ, Küveyt, Misir, İordaniya, Sudan, Mərakeş və Pakistan daxil olmaqla 11 ölkə qoşulub. (ans)

Ölkə.Az