İndoneziya yenə silkələndi

İndoneziyanın şərq sahillərində baş verən zəlzələnin gücü 5.5 bal olub.

İndoneziyanın Maluku regionunda yerləşən Ambon adasının şimalında yeraltı təkanlar qeydə alınıb.

Bu barədə məlumat verən ABŞ Geoloji Tədqiqat mərkəzi (USGS) ziyan və xəsarətlər barədə məlumatın olmadığını bildirib.

Zəlzələnin episentri Piru məntəqəsindən 65 kilometr uzaqda, dənizin 24.7 kilometr dərinliyində olub. Sahil məntəqələrdə hiss olunan zəlzələ əhali arasında ciddi narahatlığa səbəb olmayıb. 
İndoneziyanın Təbii fəlakətlər üzrə əlaqədar qurumu sunami təhlükəsinin olmadığını bildirib.

Qeyd edək ki, 2004-cü ildə Hind okeanında baş verən zəlzələdən sonra güclü sunami dalğaları İndoneziyanın sahilboyu məntəqələrinə ciddi ziyan vurub. Həmin fəlakətdə 14 sahilyanı ölkədən 230 min insan həlak olub. (ans)

Ölkə.Az