"Real Madrid"dən qol şousu
Ronaldo 5 qol vurdu
İspaniya La Liqasının 29-cu turu çərçivəsində "Real" Madrid böyük hesablı qələbəyə sevinib.
"Kral klubu" öz evində "Qranada"nı qəbul edib. Qarşılaşma madridlilərin üstünlüyü ilə keçib. Birinci hissənin tamamında azarkeşlər artıq 4 qol görüblər.
Matçda ilk qolu 25-ci dəqiqədə müdafiçilərin kobud səhvindən istifadə edən Beyl vurub. Bundan sonra qollar yağış kimi "yağmağa" başlayıb. 30, 36, 38, 54 və 89-cu dəqiqə ilə birlikdə Ronaldo 5 qola imza atıb. 52 və 56-da isə Benzema fərqlənib.
74-cü dəqiqədə qonaqlar qollardan birinin əvəzini çıxıblar. Lakin 83-cü dəqiqədə avtoqol qeydə alınıb. Beləliklə, "Real" 29 oyundan 67 xalla ikinci, "Barselona" isə 28 oyundan 68 xalla birinci sıradadır. (musavat)
Ölkə.Az
