“İndi kənddə yaşayıram...” - Nejat İşlər

Aktyor Nejat İşlər bir ay öncə yayaımlanmağa başlayan “Sinema atölyesi” verilişinin qonağı olub:

Ölkə.az Türkiyə mətbuatına istinadən xəbər verir ki, aktyor əvvəllər trilyonlar qazandığını, hazırda isə bir müddətlik sənətdən uzaqlaşdığını açıqlayıb:

“Hazırda aktyorluq etmirəm, yaşayıram. Bəli, trilyonlar qazandım, amma heç o pulları görmədim. Həyatı çox sevdim, həyatı həmişə sevdim. Qazandığım trilyonlar, bəlkə, başqalarına getdi. Amma həmişə həyatda qaldım, həyatda qalmağa davam edəcəyəm. İndi kənddə yaşayıram. Mənim heç kəndim olmadı. Mən İstanbulda böyüdüm. İndi bir kəndə sahib oldum. Vicdanlı olmaq vacibdir. Hər kəsin haqlı olduğunu düşünmək məcburiyyətindəyəm. Çünki mənə ustam Müşfiq Kenter insanları sevməyimi tapşırdı:

“ Kim olursa, olsun sev. Çünki sən çox pis bir şəxsi də oynasan onu sevmək məcburiyyətindəsən. O şəxsin haqlı olduğunu düşünmək məcburiyyətindəsən ki, rolunun öhdəsindən gələsən”.

Mən obraza tənqidi yanaşmıram, xarakteri sevərək oynayıram. Sevərək oynadığım zaman o şəxsin damarlarına girirəm, başına girirəm, ürəyinə girirəm, hər yerinə girirəm və onu sevmək məcburiyyətindəyəm”.

Ölkə.az