Azərbaycan elektrik enerjisi istehsalını artırıb
Azərbaycanın “Azereneji” ASC tərəfindən 2015-ci ilin yanvar-mart aylarında 6,3 milyard kilovatt/saat elektrik enerjisi istehsal edilib.
“Azerenerji”dən Ölkə.Az-a bildirilib ki, ötən ilin analoji dövründə bu göstərici 6,2 milyard kilovatt/saat olub.
Məlumatda qeyd olunur ki, bu ilin mart ayında “Azernerji”nin elektrik stansiyaları tərəfindən 2,1 milyard kilovatt/saat elektrik enerjisi istehsal edilib və bu, ötən ilin martındakı göstəricidən 0,1 milyard kilovatt/saat artıqdır.
2014-cü ildə Azərbaycanda 22,7 milyard kilovatt/saat elektrik enerjisi istehsal olunub. 2013-cü ildə isə bu göstərici 21,5 milyard kilovatt/saat təşkil edib.
Azərbaycanın elektrik sisteminin gücü son 5 ildə 30 faiz artıb. Hazırda bu göstərici 7105 meqavatt təşkil edir ki, bu da ildə 24 milyard kilovatt/saat elektrik enerjisi istehsal etməyə imkan yaradır.
Azərbaycan hər il 2,1 milyard kilovatt/saat elektrik enerjisi ixrac edə bilər.
Ölkə.Az
