Uşaqlarımıza necə kitab oxutdurmalıyıq?

"Uşaqlarımıza kitab oxutmaq üçün ilk növbədə cəmiyyətin kitaba olan münasibəti dəyişməlidir"

"İndi yalnız bizdə deyil, bütün dünyada uşaqların kitaba münasibəti, ümumiyyətlə, kitabın az oxunması narahatlıq doğurur. Bizdə isə bu məsələ daha həssasdır: problemin kökünün araşdırılması üçün ciddi araşdırmalar aparılmalı və həlli istiqamətində konkret tədbirlər görülməlidir. Biz bu məsələyə dövlət düşüncəsi səviyyəsində yanaşmalıyıq".

Bu sözləri Ölkə.az-a BDU-nun dosenti Məti Osmanoğlu deyib.

"Mən onu deyə bilərəm ki, uşaqlarımıza kitab oxutmaq üçün ilk növbədə cəmiyyətin kitaba olan münasibəti dəyişməlidir: böyüklər özləri kitab oxumalıdırlar. Böyüklərin kitaba münasibəti soyuq olan bir toplumda bunu uşaqlardan ummaq, ən yazı, yerinə düşmür".

Tanınmış dosenti ənənəvi uşaq kitablarından da söz etdi.

"Bizim evin ənənəvi uşaq kitabı Firudin bəy Köçərlinin “Balalara hədiyyə”sidir. O kitabı 25-30 il əvvəl mən öz övladlarıma oxuyurdum, bu gün də nəvələrimə oxuyuram. Orada uşaqlar üçün kifayət qədər maraqlı mətnlər var.

Müşahidələrimə əsasən bunu da deyə bilərəm ki, indi xüsusilə kiçik yaşlı uşaqların oxuması üçün daha geniş çeşiddə və daha yüksək poliqrafiyalı kitablar, eləcə də jurnallar nəşr olunur".

Fatimə İbrahimova
Ölkə.az