Husilər Aden limanını ələ keçirdi

Şiə üsyançıları Yəmənin Aden limanını ələ keçirib.

Ölkə.Az "EFE"yə istinadən xəbər verir ki, Yəməndə husilər Yəmənin cənubunda yerləşən Aden şəhərinin limanı üzərində nəzarəti ələ keçiriblər.

Bu barədə "EFE" şahidlərin gördüklərinə əsasən məlumat yayıb. Qeyd olunur ki, limanın tutulması zamanı üsyançılar hökumətə məxsus tanklardan istifadə edib. Bir müddət öncə məlum olub ki, Adendə hava zərbələri nəticəsində ABŞ vətəndaşı həlak olub.

Xatırladaq ki, Səudiyyə Ərəbistanı martın 25-də husilərin Yəməndə ölkənin cənub əyalətlərinə irəliləməsinin qarşısını almaq və BMT-nin rəsmi olaraq tanıdığı prezident Əbd Rəbbi Mənsur Hadinin yenidən hakimiyyətə gətirilməsi məqsədilə Yəmənə qarşı hava hücumlarına başlayıb. 10 ərəb dövləti, Pakistan və ABŞ "Qətiyyət fırtınası" adlanan bu hərbi əməliyyatı dəstəkləyib.

Husilər ötən ilin sentyabrından Yəmənin paytaxta hücum edib, Mənsur Hadi hakimiyyətini devirərək paytaxt Sənanı nəzarətə götürüb. O, ötən ay ölkənin cənubundakı Ədən şəhərinə sığınıb. Üsyançılar cəbun regionlarına irəlilədiyinə görə onun artı ölkədən çıxdığı deyilir.

Mənsur Hadi BMT Təhlükəsizlik Şurası və Ərəb Dövlətləri Liqasından husiləri dayandırmaq üçün hərbi yardım istəmişdi.

Rəşid Mustafazadə

Ölkə.Az