"Fenerbahçe"nın avtobusuna hücumla bağlı

Türkiyə çempionatı çərçivəsində "Çaykur Rizəspor"la səfər oyunundan qayıdarkən "Fənərbağça" heyətini daşıyan avtobusa edilən hücumun bəzi detalları məlum olub.

Olke.az Türkiyə mətbuatına istinadən xəbər verir ki, artıq hadisəylə bağlı iki nəfər şübhəli şəxs qismində saxlanılıb.

Trabzon valisi Abdil Celil öz isə bildirib ki, şübhəlilər Sürmene rayonunda həbs edilib. Valinin sözlərinə görə, şübhəlilərdən biri "Fenerbahçe"nın avtobusunu Rizeden Trabzona doğru hərəkət edərkən izləyib və Sürmənə rayonuna yaxınlaşanda digərinə xəbər verib:

"Rayonun girişində gözləyən şəxs isə kişi avtobusa avtomatik ov tüfəngindən atəş açıb. Bütün bunlar kameralara düşüb".

Bu arada hadisəni törətməkdə şübhəli bilinənlərin 38 yaşlı Nihat S. və 27 yaşlı Emre A. adlı şəxslər olduğu dəqiqləşib. Qeyd olunur ki, Nihat S. polisə gətirilərkən yaxınlarına "sıxıntı yox" deyərək, günahsız olduğuna eyham vurub.

Qeyd edək ki, silahlı hücum nəticəsində "Fənərbağça"nın 40 nəfərdən ibarət heyətini daşıyan avtobusun sürücüsü ağır yaralanmışdı.

İntiqam VALEHOĞU
Ölkə.az