Rəqibini dişlədiyi üçün futboldan kənarlaşdırıldı

Xuan Aranqo rəqibini dişləyib.

Ölkə.Az "Gazeta.ru"a istinadən xəbər verir ki, meksikalı futbolçu Xuan Aranqo rəqibini dişlədiyi üçün iki matçlıq oyundan diskvalifikasiya edilib.

"Tixuana"nın yarımmüdafiəçisi Xuan Aranqo rəqibini dişlədiyinə görə Meksika çempionatının iki oyunundan uzaqlaşdırılıb. "Monterreye" ilə qarşılaşma zamanı futbolçu qırmızı kart alıb, lakin Meksikanın nizam-intizam komitəsi araşdırmadan sonra futbolçunu diskvalifikasiya etməyi qərara alıb.

Xatırladaq ki, həftəsonu Meksika çempionatının venesuelalı yarımmüdafiəçisi Xuan Aranqo rəqibin futbolçusu Xesus Savalanın çiynini dişləyib. Qeyd edək ki, düyna futbolunda bu cür hərəkər "Suares sindromu" adlanır. Buna səbəb isə uruqvaylı hücumçunun oyun meydanında bir neçə dəfə rəqib futbolçularını dişləməsi olub. Belə ki, o, DÇ-2014-də İtaliya millisinin üzvü Corco Kellininin çiynini dişləyib.

Ölkə.Az