100 yaşlı kişi arvadını baltaladı və intihar etdi

Motivlər bilinmir.

Ölkə.Az "NBC News"a istinadən xəbər verir ki, ABŞ-da Nyu Cersi ştatının 100 yaşlı sakini 88 yaşlı həyat yoldaşını balta ilə öldürərək, intihar edib.

Elmvud Park şəhərində baş verən faciə barədə məlumat 5 aprel axşam saatlarında növbətçiyə çatıb. Hadisə yerinə gələn hüquq-mühafizə orqanları əməkdaşları yataq otağında qadın, hamam otağında isə kişi meyiti aşkar ediblər. Polislər hesab edir ki, Maykl Caskin arvadı Rozaliya Caskini yatan vəziyyətdə balta ilə qətlə yetirib və özünü bıçaqlayaraq intihar edib.

Təhqiqatçılar bildirib ki, polisi cütlüyün qohumlarından biri çağırıb. Cinayətin motivləri barədə heç bir məlumat yoxdur.

Ölkə.Az