Şahlar Göytürk işsiz qalan gənclərdən danışdı

"Tələbələrin və yeni universitet məzunlarının iş problemi ilə qarşılaşdığını təbii sayıram"

Sovetlər zamanında ixtisasların prioritetləri var idi. O zamanlar ixtisaslar təqribən belə sıraya düzülmüşdür.

Fizika

Riyaziyyat

Biologiya

Mən sizə 1991-ci ildən qabaqkı prioritetləri deyirəm. Yəni orta məktəbi bitirmiş gənclik bu ixtisasları seçirdi.

Amma indi fənlərin prioriteti dəyişib. Heç də fizika, riyaziyyat əsas hesab edilmir. Onları iqtisadiyyat, dövlət quruculuğu, hüquq və.s. əvəzləyir".

Bu sözləri Ölkə.az-a verdiyi açıqlamasında dilçi alim Şahlar Göytürk deyib.

"O zamanlar ölkədə vakant yerlər ixtisaslara uyğun idi, ona görə də universitet məzunları asanlıqla işə düzəlirdilər. Amma indi işə düzəlmək çox çətindir. Çünki əksəriyyət universiteti bitirdikdən sonra iş axtarmaq barədə düşünür. Belə olduqda isə gənclərin işlə təmin olmasında problemlər yaranır.

Bəzi insanlar özlərini təstiq edərək, onlara lazım olan işə düzələ bilirlər, amma bu bir neçə ilə baş verir ki, bu da gənclərdə maddi sıxıntılar yaradır.

Sevindirici hal odur ki, indi artıq tələbələr də işləməyə çalışır. O zamanlar sovetlər dönəmində yataqxana sistemi deyilən bir şey var idi. Tələbələr yataqxana ilə təmin olunduğuna görə, başqa qayğılarla maraqlanmırdılar. Gənclərə ancaq gündəlik dolanmaq xərci lazım idi. Amma indi tələbər özlərinin dolandırmaq üçün həm də işləməyi bacarmalıdırlar.

Fatimə İbrahimova
Ölkə.az