Türkiyə futbolunda transfer bombası

İtaliyanın "Fiorentina" klubu "Fenerbahçe"nin gənc ulduzu Alper Potukla yaxından maraqlanır.

Ölkə.Az Türkiyə mətbuatına istinadən xəbər verir ki, 24 yaşlı futbolçu son iki-üç ayda florensiyalıların diqqətini daha çox çəkməyə başlayıb. İtaliya mətbuatı isə iddia edir ki, "Fiorentina" rəsmiləri Türk Hava Yolları şirkətiylə sponsorluq müqaviləsi imzalamaq üçün Türkiyəyə gələrkən, "bülbüllər"in rəhbərliyi ilə də görüşməyi planlaşdırır.

Qeyd edək ki, 24 yaşlı gənc ulduzun "Fenerbahçe" ilə 2018-ci ilə kimi müqaviləsi var. Bu mövsüm meydana çıxdığı 26 oyunda 2 qol vuran Potuk, dörd qolun da ötürməsini edib. Almaniyanın "Borussiya"sının (Münhenqladbax) da heyətinə qatmaq istədiyi gənc ulduzun transfer qiyməti 10-15 milyon avro arasında ölçülür.

İntiqam Valehoğlu
Ölkə.az