Elnarə Xəlilova: "Telekanal rəhbərlərindən tələb edirəm ki,..."

Müğənni Elnarə Xəlilova telekanallar haqqında olan fikrinə aydınlıq gətirib. Ölkə.Az xəbər verir ki, sənətçi telekanalları təhqir etmədiyin bildirib:

"Bizim çox gözəl televiziya dəyərlərimiz var. Mən Azərbaycan televiziyasını təhqir etməmişəm, sadəcə, bəzi telekanalların zibilxanaya bənzədiyini demişəm. Çünki efirlərə kimlər gəldi çıxır, ağızlarına nə gəldi danışırlar. Mənim etirazım televiziya kanallarına çıxan insanlara deyil, onları efirə buraxan televiziya kanallarının rəhbərlərindədir. Bir sıravi tamaşaçı kimi telekanal rəhbərlərinə müraciət edirəm. Mən onlardan normal efir umuram, tələb edirəm. Müğənni kimi yox, üç uşaq anası kimi övladlarımın televiziya kanalları vasitəsilə tərbiyələrinin pozulmasının əlyehinəyəm. Bəsdirin, insanların əsəbləri ilə oynadınız! Mən niyə övladlarımı öz telekallarımızdan qorumalıyam? Milli Televiziya və Radio Şurasından (MTRŞ) artıq dərəcədə xahiş edirəm ki, efirlərdə səslənən müraciətlər, ismarıclar, söyüşlər və təhqirlərə diqqət etsin. Bəzi aparıcılar qonaqları ağladana kimi alçaldır və təhqir edir. Bunlar haqqında ölçü götürüləcək, ya yox?".

Qeyd edək ki, bir neçə gün öncə sənətçinin sosial şəbəkədə telekanallarla bağlı yazdığı status səs-küyə səbəb olmuşdu.

İntiqam VALEHOĞLU
Ölkə.az