Universitetlərin yarışması davam edir

"Səsvermə" efir vaxtı aktiv olacaq.

Ölkə.Az xəbər verir ki, İrəli İctimai Birliyi nəznində fəaliyyət göstərən iRadio bir-birindən maraqlı verilişləri dinləyicilərə təqdim edir.

Birlikdən verilən xəbərə görə, gənclərin sevimlisi olan iRadionun “3 nöqtə” verilişi gənclərin mütaliə bacarığının, nitq, natiqlik qabiliyyətinin artırılması və dinləyicilərin maarifləndirilməsi məqsədilə ictimaiyyətə təqdim edilir. Veriliş bu dəfə də maraqlı mövzuyla gündəmə gəlir. 11.04.2015 tarixində iRadionun efirində daha bir ictimai müzakirə olacaq. “3 nöqtə” verilişində Azərbaycan Dövlət Neft Akademiyası və ARP Dövlət İdarəçilik Akademiyası qarşı qarşıya gələcək. Bu dəfəki verilişin mövzusu: "Könüllülük fəaliyyəti gənclər üçün xeyirlidir mi?" Bu verilişdə “Sözü olan eşidiləcək”! Qeyd edək ki, www.iradio.az saytına daxil olaraq müzakirədə haqqlı gördüyünüz universitetə səs verə bilərsiniz. ( "Səsvermə" efir vaxtı aktiv olacaq )

Xatırladaq ki, “3 nöqtə” verilişində hər həftə fərqli mövzu ilə bağlı ictimai müzakirə aparılır. Veriliş zamanı 2 universitet yarışır və mövzuya 1 tərəf müsbət baxdığı halda digər tərəf inkar edir. Veriliş 3 mərhələdən ibarətdir. İlk mərhələdə 12 universitet arasında püşkatma zamanı bir-birinə uyğunlaşdırılan universitetlər yarışacaq. 2-ci mərhələdə hər yarışdan qalib çıxan universitetlər bir-biri ilə yarışacaq. Son - final mərhələsində isə qalib universitet bəlli olacaq. Qalib universitetin tələbəsi İrəli İctimai Birliyi tərəfindən qiymətli hədiyyə ilə mükafatlandırılacaq.

Ölkə.Az