Rusiyada Bakı 2015 Avropa oyunlarının təqdimat mərasimi keçiriləcək

Bu gün Rusiyanın paytaxtı Moskva şəhərində Bakı 2015 Avropa oyunlarının təqdimat mərasimi keçiriləcək.

Gənclər və İdman Nazirliyinin mətbuat xidmətindən Trend-ə verilən məlumata görə, bu məqsədlə gənclər və idman naziri Azad Rəhimov Rusiyada rəsmi səfərdədir.

Moskvanın “Redisson Royal, Moskva” mehmanxanasının konqres-parkında baş tutacaq tədbirdə 450-dən çox qonağın iştirakı göslənilir.

Təqdimat mərasimi çərçivəsində qonaqlar eyni zamanda, ölkəmizin mədəniyyətini, tarix və adətlərini özündə əks etdirən sərgi ilə də tanış ola biləcəklər.

Tədbirin sonunda qonaqlar üçün konsert proqramı təqdim ediləcək.

Ölkə.Az