Azərbaycan xaricdə malların emalı üçün icazənin alınması prosedurunu sürətləndirdi
Azərbaycanda xüsusi gömrük proseduru çərçivəsində xaricdə malların emalı üçün icazənin alınması ərizəsinə baxılması müddəti iki günədək azaldılıb.
Nazirlər Kabineti “Malların xaricdə emal xüsusi gömrük proseduru altında yerləşdirilməsi Qaydaları”nda dəyişiklik edilməsi barədə qərar qəbul edib. Nazirlər Kabinetinin qərarı cümə günü rəsmi mətbuatda dərc edilib.
Daha əvvəl belə ərizələrin baxılma müddəti 3 gün təşkil edib.
Qeyd edək ki, Azərbaycanda xaricdə malların emalı dövrü ərizəçinin təqdim etdiyi informasiya əsasında gömrük orqanları tərəfindən müəyyənləşir, bununla belə, müddət 2 ili ötməməlidir.
Ölkə.Az
