"eBay"da satışa çıxarılan ən qəribə "mallar"

Görün, satışa nəyi çıxarırlar.

Ölkə.Az xəbər verir ki, online alış-veriş saytı olan "eBay"da qeyri-adi "malların" siyahısı günü-gündən genişlənir. Kimisi lazımsız əşyanı, kimisi hansısa məşhurun konsertindəki havanı, kimisi özünü satışa çıxarır.

Tüpürcəyini hərraca çıxardı.

15-18 yaş arasında olan çinli qız tüpürcəyini xüsusi şüşə qaba dolduraraq, 3.25 dollara satışa çıxarıb. O, maraq çəkmək üçün məzmununa gözəl bir çinli gənc qızın rəsmini də əlavə edib.

Özünü satışa çıxardı.

Britanyalı atlet Ceyms Ellinqton "eBay" üzərindən özünü açıq hərraca çıxarıb. Məqsədi isə həyata keçirilən Olimpiya oyunlarına qatılmaq idi. O, qazananın markasını olimpiadalarda geyməyi vəd edib.

Gəlinlikdə fotoşəkil çəkdirdi, evlənmə təklifi aldı.

Həyat yoldaşından boşanan və köhnə yoldaşının gəlinliyini geydiyi bir fotoşəkili istifadə edərək 2004-ci ildə bu gəlinliyi satışa çıxaran bir amerikalı evlənmə təklifi alıb. Satlığa çıxardığı gəlinliyin qiyməti 10 min dollara qalxan amerikalıya bu fotoya görə istifadəçilərdən evlilik təklifi olanlar olub.

Ərinə hirslənmiş xanım avtomobili 5 dollara satışa çıxardı.

2005-ci ilin iyun ayında radioda canlı yayın aparan əri DJ Timi dinləyən yoldaşı qulaqlarına inana bilmədi. Ərinin radioveriliş zamanı modellərdən biri ilə danışarkən tərifləməsi qadının xoşuna gəlməyib və o, bahalı avtomobili cəmi 5 dollara satışa çıxarıb.

Pulsuz proqramı ödənişli satdı.

"Microsoft Office"in pulsuz alternativi olan "OpenOffice"ə hər hansı bir lisenziya əvəzi ödəmədən də istifadə etmək olar. Ancaq bir istifadəçi hərrac saytı vasitəsilə pulsuz olan bu proqramı 3-61 dollar arası qiymətə sata bilib.

Aşağıdakı malları da satışa çıxaranlar az deyil.