"Səni axtarıram"ın komandası Xoşqədəm Hidayətqızıdan imtina etdi

"Xoşqədəm Hidayətqızı ANS-ə öz komandası ilə deyil, tək gedəcək. Çünki əksər əməkdaşlar onunla işləməkdən bezmişdilər. O, hamıyla kobud rəftar edirdi".

Bu fikirləri Ölkə.Az-a açıqlamasında "Səni axtarıram" komandasının adının çəkilməsini istəməyən üzvlərindən biri səsləndirib. O, qeyd edib ki, bəlkə də verilişin komandası Hidayətqızı ilə ANS-ə getmək istəyərdi. Amma jurnalistin son vaxtlar kollektivlə davranışları buna imkan verməyib:

"Heç kimin onunla getmək fikri yoxdur. Çünki özü bu şəraiti yaradıb. Axır vaxtlar bizimlə çox pis rəftar edirdi. Halbuki Xoşqədəm Hidayətqızının bu qədər tanınmasında hər birimizin böyük rolu var".

Əldə etdiyimiz digər məlumata görə, verilişin baş prodüseri Əli Vəliyev də X.Hidayətqızıyla işləməkdən imtina edib.
Qeyd edək ki, teleaparıcı bundan sonra ANS telekanalında fəaliyyət göstərəcək.

İntiqam VALEHOĞLU
Ölkə.Az