Yəməndə partlayış baş verdi

Yəməndə partlayış nəticəsində 7 nəfər həlak olub.

Ölkə.Az "Reuters" agentliyinə istinadən xəbər verir ki, Yəməndə baş verən partlayı nəticəsində 7 nəfər ölüb.

Qeyd olunur ki, daha 10 nəfər isə yaralanıb. Əldə olunan informasiyaya əsasən, bomba avtomobilə quraşdırılıb. Bir müddət öncə Səudiyyə Ərəbistanın rəhbərlik etdiyi koalisiya aprelin 10-u səhər saatlarında Yəmən paytaxtı Sənaya bir neçə hava zərbəsi endirib.

Xatırladaq ki, Səudiyyə Ərəbistanı martın 25-də husilərin Yəməndə ölkənin cənub əyalətlərinə irəliləməsinin qarşısını almaq və BMT-nin rəsmi olaraq tanıdığı prezident Əbd Rəbbi Mənsur Hadinin yenidən hakimiyyətə gətirilməsi məqsədilə Yəmənə qarşı hava hücumlarına başlayıb. 10 ərəb dövləti, Pakistan və ABŞ "Qətiyyət fırtınası" adlanan bu hərbi əməliyyatı dəstəkləyib.

Husilər ötən ilin sentyabrından Yəmənin paytaxta hücum edib, Mənsur Hadi hakimiyyətini devirərək paytaxt Sənanı nəzarətə götürüb. O, ötən ay ölkənin cənubundakı Ədən şəhərinə sığınıb. Üsyançılar cəbun regionlarına irəlilədiyinə görə onun artı ölkədən çıxdığı deyilir.

Mənsur Hadi BMT Təhlükəsizlik Şurası və Ərəb Dövlətləri Liqasından husiləri dayandırmaq üçün hərbi yardım istəmişdi.

Rəşid Mustafazadə

Ölkə.Az