Politoloq: "Ərəb investisiyasının Azərbaycana gətirilməsi vacibdir"

"İnvestisiyalarının ölkəmizə cəlb edilməsi, bu dövlətlərlə daha yaxşı iqtisadi-siyasi və ticari əlaqələrin qurulmasına hesablanıb"

"Azərbaycanın ərəb dünyası ilə yaxından və dərindən münasibət qurmasına müsbət yanaşıram. Zənnimcə, ölkəmiz mübasibətləri strateji səviyyəyə çatdırmağı çoxdan etməli idi".

Bu sözləri Ölkə.Az-a danışan politoloq Razi Nurullayev deyib.

"Ərəb dünyasından böyük investisyalar imkanı mövcuddur. Xüsusən də Səudiyyə Ərəbistanı, Qətər, Birləşmiş Ərəb Əmirlikləri, Kuveyt ilə daha dərin münasibətlərin yaranmasına ehtyac var.
"Son aylar dünya bazarında neftin qiymətinin aşağı düşməsi, ölkəmizdə investisiyaların azalması və digər proseslər fonunda daha çox pulu olan ərəb ölkələri ilə əməkdaşlıq, ərəb investisiyanın ölkəmizə cəlb edilməsi olduqca lazımdır.

Odur ki, Azərbaycanın Ərəb dünyası ilə yaxınlaşmasını çox müsbət qiymətləndirmək lazımdır. Həm Səudiyyə Ərəbistanında, həm Qətərdə, həm də digər ərəb ölkələrində kifayət qədər sərbəst vəsait var və ərəblərin də investisiya qoymaq imkanları genişdir. Azərbaycan isə müsəlman ölkəsidir və ərəb dövlətləri ilə gözəl münasibətləri var. Bunun fonunda ərəb investisiyasının Azərbaycana gətirilməsi vacibdir. Hesab edirəm ki, Azərbaycan prezidentinin ərəb ölkələrinə olan səfəri, aparılan danışıqlar da, məhz ərəb investisiyalarının ölkəmizə cəlb edilməsi, bu dövlətlərlə daha yaxşı iqtisadi-siyasi və ticari əlaqələrin qurulmasına hesablanıb.

Ümudvaram Ərəb sərmayəsinin ölkəmizə gətirilməsi vətəndaşlarımızın sosial vəziyəytinin yaxşılaşmasına yarıdm edəcək. Çünki, ölkədə başlanan bir çox sosial layihələrin dayanma təhlükəsi var".

Fatimə İbrahimova

Ölkə.Az