Amerikanın ilk qadın prezidenti ola bilər

Keçmiş dövlət katibi Hillari Klintonun ABŞ-da keçiriləcək növbəti prezident seçkilərində namizədliyini irəli sürəcəyi gözlənilir. 

Bu barədə məlumatı Hillari Klintonun planları ilə tanış olan demokrat partiyasının nümayəndələri bildiriblər. Xanım siyasətçi namizədliyini aprelin 12-də sosial media vasitəsi ilə elan etməlidir. Bununla bağlı video-müraciət də hazırlanır.

Gələn həftədən etibarən keçmiş dövlət katibinin ştatlarda tanışlıq kampaniyalarına başlayacağı gözlənilir.

Hillari Klinton seçkilərdə qələbə qazanacağı təqdirdə, ABŞ tarixində ilk qadın dövlət başçısı olacaq. (AzərTAc)

Ölkə.Az