Castin Biber haqqında həbs qərarı çıxarılıb

Kanadalı müğənni Castin Biber haqqında Argentinada həbs qərarı çıxarılıb.

Ölkə.Az xarici mətbuata istinadən xəbər verir ki, hakim Alberto Xuli Banos 2013-cü ildə Buenos Ayresdə baş verən hadisə ilə əlaqədar ifaçıya məhkəməyə çağırış kağızı göndərib. Çağırışa cavab verməyən Biber haqqında həbs əmri verilib.

Hakim Biberin yanında olan iki cangüdəninin də tutulmasını istəyib.

Qeyd edək ki, iki cangüdəni müğənni gecə klubundan çıxarkən onu çəkmək istəyən fotoqrafa hücum edib. Hadisədən sonra bir daha Argentinaya getməyən Biber 1 aydan 6 ilə qədər cəzalandırıla bilər.

Ölkə.Az