Azərbaycanlı Moskvada körpə meyiti tapdı

Cinayət işi qaldırılıb.

Rusiya paytaxtının cənubunda boş ərazidən körpə uşaq cəsədi tapılıb. Yeni doğulmuş körpənin cəsədi dünən səhər Moskvanın Biryulyovo rayonunda tapılıb.

O, polietilen paketə bükülmüş olub və Xarkov keçidində 7-ci sahədəki boş ərazidə atılıb. Bildirilir ki, ölü uşağı Azərbaycan vətəndaşı tapıb. 

Uşağın cəsədinə baxış keçirilərkən, onun oğlan olduğu müəyyənləşdirilib.

Baxış göstərib ki, uşağın boğazına əski parçası bağlanıb, göbəyi isə kəsilməyib. Ekspertlərin ilkin məlumatına görə, körpə tapılmazdan bir gün əvvəl dünyasını dəyişib, ölümə mexaniki asfiksiya – boğulma səbəb olub.

Körpənin cəsədinin aşkarlanmasından sonra cinayət işi qaldırılıb. Paytaxt polisləri yeni doğulmuş körpəni boğan naməlum şəxsləri axtarırlar. (oxu.az)

Ölkə.Az