Türkiyə Vatikandakı səfirini geri çağırdı

Roma papasının Vatikanda dünən 1915-ci il hadisələri ilə bağlı keçirilən ayində “erməni soyqırımı” ifadəsini işlətməsi Türkiyənin sərt reaksiyasına səbəb olub.

Buna qarşılıq olaraq Vatikanın Ankaradakı səfiri Türkiyə Xarici İşlər Nazirliyinə çağırılıb. Daha sonra Türkiyə Vatikandakı səfiri Mehmet Paçacını ölkəsinə geri çağırıb. Baş nazir Davudoğlu isə həmin ifadənin Papaya və tutduğu mövqeyə yaraşmadığını bildirib.

Qeyd edək ki, Papa Fransisko 1915-ci il hadisələri ilə bağlı“soyqırım” sözünü işlədən ilk papa oldu. Xatırladaq ki, Ermənistan prezidenti Serj Sarkisyanın da qatıldığı ayin sonrası Papa erməni liderlərə səsləndirdiyi məktubunda Allahdan türk və erməni toplumunun ortaq məxrəcə gələ bilməsini və Dağlıq Qarabağ məsələsində sülhün əldə olunmasını dilədiyini qeyd edib./Qafqazinfo/

Ölkə.Az