"Buldozer"lərin qəzəbi və diz çökmüş Sovetski...

Bir zamanlar insan qaynayan, daim hərəkətli olan küçələrin bir çoxu artıq xarabalığı xatırladır, bəziləri də xaraba olacaq vaxtın gözləyir.

Bura "Sovetski"dir - sözlü söhbətli, dava-dalaşlı, indi isə yarı viran, yarı köçha-köçlü "Sovetski"...

Yaxın keçmişdə Akademik Milli Dram Teatrından bir az yuxarı qalxdıqda dar, köhnə küçələr, üst-üstə çıxmış "evlər", "qatıq, göyərti var" çığıran satıcı yerli qadınlar insanı qarşılardı.

İndi həmin yerlərdən keçdikdə əvvəllər yoldan keçənə söz atan, çiyin vurub buranın "sovetski" olduğun xatırladan nə uşaqlar var, nə də o tinlər.

Evlərin çoxu sökülüb, yeri xarabalığı xatırladır.

"Sovetski"dəki evlər, "gecəqondu"lar "qəzəbli buldozer"lərdən öz nəsiblərini alıb, diz çöküblər.

Səxavət Məmməd

Ölkə.Az