Bakının keçələrində sürət həddi əvvəlki vəziyyətinə qaytarıldı

 “Azəryolservis” ASC məlumat yayıb.

Bakıda bəzi yollarda endirilmiş sürət həddi əvvəlki vəziyyətinə qaytarılıb.

Bunu Nəqliyyat Nazirliyi "Azəryolservis" ASC-nin mətbuat katibi Pünhan Mürsəliyev deyib.

P.Mürsəliyev qeyd edib ki, paytaxtda hava şəraiti normallaşdığından bəzi yollarda endirilmiş sürət həddi əvvəlki vəziyyətinə qaytarılıb.

Qeyd edək ki, meteoroloji vəziyyətin dəyişməsi, hava şəraitinin pisləşməsi səbəbindən Bakının Böyükşor yol qovşağı - Heydər Əliyev Beynəlxalq Aeroportu - Mərdəkan dairəsi - Bilgəh, eləcə də Zığ dairəsi - Heydər Əliyev Beynəlxalq Aeroportu beton yolda hərəkət sürəti zolaqlar üzrə üzrə 20 km/saat azaldılmışdı. Belə ki, yollar üzrə sürət həddi müvafiq olaraq 120 km/saat-dan 100-ə, 100 km/saat-dan 80-ə, 80 km/saatdan 60-a endirilmiş, bununla bağlı yollardakı elektron tablolarda da dəyişiklik edilmişdi.

13.45

Bakının bəzi küçə və prospektlərində əlverişsiz hava şəraiti ilə əlaqədar sürət həddi aşağı salınıb.

Nəqliyyat Nazirliyi “Azəryolservis” ASC-nin Mətbuat Katibliyinin rəisi Pünhan Mürsəliyev verdiyi açıqlamada bildirib ki, hava şəraiti nəzərə alınaraq Böyükşor - Hava limanı - Bilgəh, Zığ dairəsi - Hava Limanı avtomobil yollarında təhlükəsizliyin təmin edilməsi məqsədilə hər zolaq üzrə sürət həddi 20 km/saat aşağı salınıb.

Sözügedən yollarda sürət həddi müvafiq olaraq, 120 km/saatdan 100-ə, 100 km/saatdan 80-ə, 80 km/saatdan 60-a endirilib. 

Qurum rəsmisi hava şəraiti dəyişən kimi sürət həddinin də yenidən əvvəlki vəziyyətə qaytarılacağını bildirib. (oxu.az) 

Ölkə.Az