“Azəriqaz”dan qazsız qalan Masazırla bağlı
“Artıq 3 gündür ki, qaz yoxdur”.
Masazır qəsəbəsində yerin tərkibindən qaz çıxdığına görə, həmin əraziyə qazın təchizatını dayandırmışıq. Bu isə məişətdə istifadə etdiyimiz qaz deyil. Masazır qəsəbəsində yerdən çıxan qaz isə məişətdə istifadə olunmur.
Ölkə..Az-ın məlumatına əsasən Oxu.az-a bu sözləri “Azəriqaz” İB-nin mətbuat xidmətinin rəhbəri İbrahim Kərbalayev Masazır qəsəbəsində qaz təchizatının dayandırılmasının səbəblərindən danışarkən bildirdi.
Onun sözlərinə görə, “Azəriqaz” da həmin əraziyə qaz təchizatının bərpa olunmasında maraqlıdır:
“Həmin ərazidə aidiyyatı qurumlar iş aparırlar. İşlər yekunlaşdıqdan sonra həmin əraziyə qazın verilməsini bərpa edəcəyik. Biz dəqiq məlumat verə bilmərik, çünki işlərin yekunlaşmasını gözləyirik”.
Mətbuat xidmətinin sözlərinə görə, həmin əraziyə qazın verilməsinin dayandırılmasına baxmayaraq yerin tərkibindən yenə də qaz çıxmaqda davam edir.
“Biz ona görə məcbur qalıb, Masazır qəsəbəsinin qaz təchizatını dayandırdıq ki, aidiyyatı qurumlar orda işlərini apara bilsinlər”.
Qeyd edək ki, dünən Abşeron rayonu Masazır qəsəbəsində 100-ə yaxın evin sökülməsi ilə bağlı xəbərlər yayılmışdı. Səbəb kimi isə həmin ərazidə yeraltı qazların mövcudluğu göstərilirdi.
Yerli sakinlərin Qafqazinfo-ya verdiyi məlumata görə, aprel ayının 9-da Sarı Aşıq küçəsində Elxan Aslanova məxsus fərdi yaşayış evində qaz sızması nəticəsində partlayış baş verib.
Hadisə yerinə Fövqəladə Hallar Nazirliyinin əməkdaşları cəlb olunub. Araşdırmalar nəticəsində bəlli olub ki, partlayışa səbəb yeraltı qazdır. FHN əməkdaşları partlayan evə yaxın ərazilərdə də yoxlamalar aparıb və məlumat təsdiqlənib.
Bu səbəbdən aprel ayının 11-dən qəsəbəyə qaz verilişi dayandırılıb. Həmin ərazidə yaşayan insanlara bildirilib ki, ərazi yaşayış üçün təhlükəlidir.
Sakinlər deyir ki, 2 gündür qazsız qalan qəsəbədə acınacaqlı durum yaranıb. Heç bir instansiyadan vətəndaşlara təbii qazın nə zaman veriləcəyi barədə xəbər verilmir.
Ölkə.Az
