UEFA "Neftçi"nin "danışılmış oyunu"nu nəzarətə götürdü

"Neftçi"nin sabiq baş məşqçisi Böyükağa Hacıyevin cari ölkə çempionatının ilk turunda səfərdə "Araz Naxçıvan"a qəsdən məğlub olmaları ilə bağlı açıqlaması paytaxt təmsilçisinə baha başa gələ bilər.

Belə ki, məsələ artıq UEFA-nın nəzarətindədir.

Bu barədə Ölkə.Az-a AFFA-nın informasiya və ictimaiyyətlə əlaqələr departamentinin rəhbəri Mikayıl Nərimanoğlu bildirib: "Bu hal UEFA-nın danışılmış oyunlarla bağlı ölkəmizdəki nümayəndəsi Rəmiş Malıyev tərəfindən araşdırılacaq. Araşdırma yekunlaşandan sonra ətraflı məlumat veriləcək".

Qeyd edək ki, B.Hacıyev "Neftçi"nin "Araz Naxçıvan"a qəsdən uduzduğunu bildirmişdi: "On beş il "Ara Naxçıvan"da oynamışam. Ona görə də Naxçıvana ikinci heyəti göndərdim. Futbolçular da bilirdilər ki, o, mənim komandamdır, qalib gəlmək olmaz".

İntiqam VALEHOĞLU

Ölkə.Az