Biz tezliklə öz bayrağımızı Xankəndi və Şuşaya sancacağıq -xa0Tural Gəncəliyevxa0

Dağlıq Qarabağ bölgəsinin azərbaycanlı icmasının rəhbəri kimi 100 minlərlə məcburi köçkün olan əhalinin timsalında onu qeyd etmək istəyirəm ki, biz şanlı ordumuzun həyata keçirdiyi işğalçı Ermənistana qarşı keçirdiyi əks-hücum əməliyyatlarını qürurla izləyirik. Mən əminəm ki, biz tezliklə öz bayrağımızı Xankəndi və Şuşaya sancacağıq. Çünki mən Xankəndi şəhərinin sakinlərinə söz vermişəm ki, biz növbəti görüşümüzü Xankəndi şəhərində keçirəcəyik”.

"Ölkə.Az"ın məlumatına görə, bunu açıqlamasında Dlıq Qarabağ bölgəsinin azərbaycanlı icmasının rəhbəri Tural Gəncəliyev jurnalistlərə açıqlamağasında deyib.

Onun sözlərinə görə, 30 ildir ki, artıq xalq olaraq münaqişənin sülh yolu ilə tənzimlənməsini gözlədik: “Təəssüflər olsun ki, dünya ictimaiyyəti ATƏT-in Minsk qrupunun həmsədirləri və , xüsusilə də BMT-nin Təhlükəsizlik Şurasının müvafiq qətnamələrini işğalçı Ermənistanı əməl etməyə məcbur edə bilmədilər. 30 il artıq yetər! Biz öz torpaqlarımıza dönmək istəyirik, bunun vaxtı çoxdan yetişib. Mən hesab edirəm ki, dünya ictimaiyyəti və bütün beynəlxalq təşkilatlar çox gözəl yaxşı başa düşür ki, Azərbaycan öz torpaqlarında hərbi əməliyyat aparır və öz torpaqlarını qanunsuz ünsürlərdən təmizləməklə məşğuldur”.

T.Gəncəliyev vurğulayıb ki, Azərbaycan Respublikasının tam hüququ var ki, BMT-nin nizamnaməsinin 51-ci maddəsinə uyğuna olaraq işğala məruz qalan bir ölkə kimi öz torpaqlarında hərbi əməliyyatlar aparmaqla düşmənin qoşunlarını çıxarsın: “Biz torpaqlarımızın son santimetri işğaldan azad olunmayana qədər dayanmayacağıq. Şanlı ordumuzun gücü və Ali Baş Komandanımızın iradəsi ilə bu məsələni tam bitirəcəyik”.