Bakıda sürücü dövlətə 11 min manatlıq ziyan vurdu
Bu gün səhər saatlarında Bakı - Qazax - Gürcüstan sərhədi avtomobil yolunun 16-cı kilometrliyində yol nəqliyyat hadisəsi baş verib.
Nəqliyyat Nazirliyi “Azəryolservis” ASC-nin Mətbuat Katibliyinin rəisi Pünhan Mürsəliyev bildirib ki, Bakı istiqamətində hərəkət edən “İveco” markalı yük maşını idarəetməni itirərək, yolun hərəkət hissələrini ayıran əyrixətli tirə çırpılıb.
Bunun nəticəsində 120 paqon/metr əyrixətli tir və 1 ədəd işıq dirəyi yararsız hala düşüb.
Bununla yanaşı, yolun bir neçə yüz metrlik hissəsinə avtomobildən yağ axıb.
Yoldakı sürüşkənliyi aradan qaldırmaq üçün “Azəryolservis”in işçi briqadası yolun hərəkət hissəsinə qum səpib.
Hadisə nəticəsində yol təsərrüfatına 11 manatlıq ziyan dəyib.oxu.az
Ölkə.Az
