Milli Məclis adından ABŞ Konqresinə və KTMT-yə üzv ölkələrə müraciət edilməsi təklif edildi

“Ölkə.Az” xəbər verir ki, bunu  millət vəkili Qüdrət Həsənquliyev Milli Məclisin bu gün keçirilən  plenar iclasında deyib.

Millət vəkilinin sözlərinə görə, bundan sonra  Azərbaycan torpaqlar  işğal olunsa da, Ermənistan hər hansı sanksiya tətbiq olunmadı. “Əksinə Dağlıq Qarabağ separatçı rejiminə yardım edildi. Ona görə də  təklif edirəm ki, indidən sənəd qəbul olunmamış etiraz səsimizi qaldırıb, qəbul olunmasına imkan verməməliyik. Biz  Azərbaycan parlamenti adından ABŞ Konqresinə, Senatına, eyni zamanda hər bir konqresmeninə və senatına.

Deputat eyni zamanda Kollektiv Təhlükəsizlik Müqavilə Təşkilatına müraciət edilməsini təklif edib.

Millət vəkili bildirib ki, Ermənistan  bizi təxribata cəlb edib KTMT-ni prosesə cəlb etməyə çalışır.  “Belə ki, Ermənistan tərəfi öz ərazisindən  Azərbaycanın kənd və şəhərlərini raket atəşinə tutmaqla  bu təxribatı həyata keçirmək istəyir.

Biz parlament adından da KTMT-yə üzv olan ölkələrə də müraciət etməliyik. Bildirməliyik ki, Ermənistan tərəfindən ərazilərimiz atəşə tutulur və biz hələlik cavab vermirik. Amma həmin atəş nöqtələrini vurub susdurmaq bizim hüququmuzdur”- millət vəkili bildirib.

Mürtəza

Ölkə.Az