Deputat: “Təcavüzkar Ermənistan insanlıqdan uzaq hərbi cinayətlərinə görə mütləq layiqli cəzasını alacaq”
Bunu “Ölkə.Az”a açıqlamasında millət vəkili Müşfiq Məmmədli deyib.
Millət vəkilinin sözlərinə görə, təcavüzkar Ermənistan Azərbaycana qarşı təkcə işğalçılıq siyasətini həyata keçirməyib, bununla paralel olaraq insanlığa sığmayan cinayətkar əməllər törədərək soyqırım, terror, etnik təmizləmə siyasətini həyata keçirib. “Biz son günlərdə təcavüzkar Ermənistan insanlıqdan uzaq beynəlxalq hərbi cinayətkarlıq, terrorçuluq, faşist əmələrininə şahidlik etməkdəyik. Biz bunun istər iyul ayında Tovuz hadisələrində, istərsə də sentyabrın 27-də Azərbaycana qarşı keçirdiyi təxirbatlar zamanı gördük. Təcavüzkar Ermənistanın bu hərəkətlərini təkcə biz yox, eyni zamanda bütün dünya şahidlik etməkdədir. Belə ki, təcavüzkar Ermənistan təxribatları zamanı Beynəlxalq Humanitar Hüquq və bu hüququn əsasını təşkil edən 1949-cu il 12 avqust tarixli Cenevrə Konvensiyaları və onlara əlavə edilmiş protokollar, habelə BMT Baş Məclisinin 14 dekabr 1974-cü il tarixli qətnaməsi, eləcə də digər beynəlxalq konvensiyalar müharibə zamanı mülki əhaliyə və obyektlərə hücumu qadağan edən müddəaları kobud surətdə pozaraq hərbi cinayətlər törətməkdədir”-deputat qeyd edib.
Deputat əlavə edib ki, son hadisələr zamanı təcavüzkar Ermənistan beynəlxalq humanitar hüququ pozaraq mülki insanları və cəbhə xəttindən uzaq olan kənd və şəhərləri raket atəşinə tutur: “Təcavüzkar Ermənistan cəbhə xəttindən uzaq olan Gəncəni, hətta Abşeron və Xızını raket atəşinə tutub. İnsanlıqdan uzaq hərbi cinayətlər zamanı 30-a yaxın Azərbaycan vətəndaşı dünyasını dəyişib, onlarla insan isə yaralanıb. Bu bir daha terror, faşizm təcavüzkar Ermənistanın dövlət siyasəti olduğunun göstəricisidir. Təcavüzkar Ermənistan isə beynəlxalq humanitar qanunvericiliyi və Cenevrə konvensiyaların tələvlərini kobud surətdə pozaraq mülki insanlara qarşı hərbi cinayət törətməkdədir və onun hərbi xarakterli cinayətləri bu gün də davam etməkdədir. Belə ki, təcavüzkar Ermənistan Azərbaycanın təmas xəttindən və cəbhədən uzaq yaşayış məntəqələrini raket atəşinə tutmaqda davam etmədkdəir. Ancaq təəssüflər olsun ki, beynəlxalq aləm, başda BMT olmaqla təcavüzkarın bu insanlığa qarşı hərbi cinayətlərinə dur demir və müşahidəçi kimi yanaşır. Bu yolverilməz haldır. Bu yola beynəlxalq aləm dünyada işğalçılığı təşviq etməklə dünyanın təhlükəsizliyinə ciddi təhdid yaratmış olurlar. Odur ki, beynəlxalq aləm təxirəsalınmadan təcavüzkar Ermənistanın insanlığa qarşı həyata keçirdiyi hərbi cinayətlərin qarşı ciddi adekvart addım atılmalıdır. Beynəlxalq humanitar qaydaları kobud surətdə pozduğu üçün təcavüzkar ölkəyə ciddi sanksiyalar tətbiq edilməsi və törətdiyi əmlə görə məsuliyyətə cəlb olunmalıdır”.
Millət vəkili hesab edir ki, beynəlxalq aləm təcavüzkarın hərbi cinayətlərinə görə cəzalandırmazsa, bunu onlaırn əvəzində Azərbaycan ordusu və dövləti edəcək: “Necə ki, 30 il müddətində beynəlxalq aləm Qarabağ münaqişəsinin həllində ikli siyasət yürüdüb, seyrçi yanaşdı və nəticədə qəhrəman Azərbaycan ordusu əks-hücum əməliyatlaır ilə işağl altında olan torpaqları işağldan azad edir. Bu zaman Azərbaycan ordusu beynəlxalq humanitar qaydalara yüksək səviyyədə riayət edərək təcavüzkardan fərqli olaraq mülki əhalini hədəf seçmir. Gün gələcək Azərbaycan dövləti təcavüzkar Ermənistan etdiyi hərbi cinayətlərə görə beynəlxalq hərbi tribunalda layiqli cavabını alacaq. O gün isə uzaqda deyil. Bu gün Ali Baş Komandan cənab İlham Əliyevin rəhbərliyi altında Azərbaycan ordusu tarixi ədaləti bərpa etdiyi kimi gələcəkdə onun rəhbərliyi altında təcavüzkar Ermənistan insanlığa sığmayan törətdiyi hərbi cinayətlərə görə cəzasını alacaq”.
Mürtəza
Ölkə.Az
