Deputat: “Qəhrəman ordumuz Ermənistanın işğalçılıq siyasətinə son verməklə, bölgədə dayanıqlı sülhü təmin edəcək”
“Beynəlxalq aləm bölgədə sülühün bərqərar olmasını istəyirsə, o zaman təcili olaraq təcavüzkar Ermənistana təzyiq edib, BMT Təhlükəsizlik Şurasının işğal etdiyi torpaqlardan qeyd-şərtsiz çıxması ilə bağlı qəbul etdiyi qətnamələrin icra edilməsini tələb etməlidir. Bunun üçün Ermənistana konkret vaxt verməlidir ki, bu müddət ərzində işğal edilmiş torpaqlardan çıx və Azərbaycanın ərazi bütövlüyünü tanımaq barədə rəsmi bəyanat verib, Azərbaycan xalqından üzr istəməlidir. Ancaq bundan sonra Azərbaycan münaqişənin danışıqlar yolu ilə həllinə razılıq verə bilər”.
Bunu “Ölkə.Az”a açıqlamasında millət vəkili Kamran Bayramov deyib.
Onun sözlərinə görə, Cənubi Qafqazda dayanaqlı sülhə mane olan yeganə amil təcavüzkar Ermıənistanın işğalçılıq siyasətidir. “Nə qədər ki, təcavüzkar Ermənistan işğal siyasətindən əl çəkməyib Cənubi Qafqazda dayanaqlı sülhdən, sabitlikdən və təhlükəsizlikdən danışmaq mümkün deyil. Ona görə də beynəlxalq aləm bölgədə sülhün bərpa olunmasını istəyirsə, o zaman Azərbaycandan deyil, qəsbkar Ermənistana sanksiayalr tətbiq edib ən qısa zamanda insanlığa sığmayan hərbi cinayətlərindən və işğalçılıq siyasətindən geri durmağa vadar etməlidir. Əks təqdirdə bölgənin təhlükəsizliyi və sabitliyi hər zaman təhdid altında olacaq. Bölgədə yaranmış gərginlik isə beynəlxalq aləmin təhlükəsizlik arxitekturasına ciddi təhdid olaraq qalacaq. Çünki təcavüzkar Ermənistanın əsas niyyəti münaqişəyə digər region ölkəlırini də cəlb etməklə, bütövlükdə region müharibə alovuna bürünüək istəyir. Bunun üçün də ən müxtəlif fitnəkar, hiyləgər təxribatlara əl atır”- deputat qeyd edib.
Millət vəkili əlavə edib ki, son günlərdə qəsbkar Ermənistanın cəbhə bölgəsində uzaq dinc əhalinin yaşadığı kənd, rayon və şəhərləri raket atəşinə tutması bu çirkin niyyəti reallaşdırmağa xidmət edir: “İnsanlığa sığmayan vəhşi cinayətkar əməlləri ilə qəsbkar Ermənistan dinc əhalinin yaşadığı kənd, rayon və şəhər mərkəzlərində dinc insanları və sosial, mədəni obyektləri hədəf seçməklə beynəlxalq humanitar qaydaları kobudcasına pozurlar. Dünya birliyi də faşist siyasətini yürüdən təcavüzkar Ermənistanın bəşəri dəyərlərə və insanlığa sığmayan cinayətkar əməllərinin şahidi olmaqdadır.
Məqsəd də qəhrəman Azərbaycan ordusunun öz torpaqlarında həyata keçirdiyi əks-hücum əməliyyatlarını dayandırmağa xidmət edir. Ancaq qəsbkar ölkənin bu fitnəkar, insanlığa sığmayan həərkətləri nəticəsiz qalacaq. Artıq beynəlxalq aləmdə bölgədə yaranmış durumu və qəsbkar ölkənin çirkin niyyətlərini yaxşı başa düşür. İstər beynəlxalq təşkilatlar, istər münaqişənin həllində vasitəçilik missiyasını həyata keçirən ATƏT MQ həmsədr ölkələri olsun təcavüzkar Ermənistanın işğalçılıq siyasətinin möhkəmləndirilməsi ilə barışmır və status-kvonun dəyişdirilməsində maraqlıdırlar. Bununla bağlı həmsədr ölkələr dəfələrlə bəyanatla çıxış edib. Ancaq təcavüzkar Ermənistan beynəlxalq aləmin çağırışlarına məhəl qoymayaraq işğalçılıq siyasətini davam etdirib. Ona görə də Ermənistan tərəfinin sentyabrın 27-də Azərbaycan qarşı həyata keçirdiyi təxribatdan sonra qəhrəman ordumuzun əks-hüm əməliyyatları zamanı bitərəf mövqe sərgiləmək zorunda qaldılar. Bu gün qəhrəman Azərbaycan ordusu tarixi ədalətsizliyi bərpa etmək uğrunda mübarizə aparıb şərəfli bir tarix yazmaqdadır. Azərbaycan ordusu haqq-ədalət uğrunda apardığı mübarizə tezliklə qələbə ilə nəticələnəcək və bütün işğal olunmuş torpaqlarda Azərbaycan bayrağı dalğalanacaq! Qəhrəman Azərbaycan ordusu Ali Baş Komandan cənab İlham Əliyevin rəhəbərliyi altında torpaqlarımızı işğaldan azad edib tarixi ədaləti bərpa etməklə yanaşı, bölgədə də dayanaqlı sülhü, sabitliyi və təhlükəsizliyi təmin etmiş olacaq”.
Mürtəza
Ölkə.Az
