27 il sonra işğaldan azad etdiyi doğma kəndinə dönən cəbrayıllı zabitin evindən reportaj - VİDEO
Xədicə öz atasından danışır. O insandan ki, çəkdiyi foto 2 gündür, kiçikdən böyüyə hamını dilə gətirib...
"Ölkə.Az" xezerxeber.az-a istinadən bildirir ki, Camal Qəmbərov 7 yaşlı məktəbli kimi çıxdığı Cəbrayılın Horovlu kəndinə 27 il sonra əli silahlı hərbçi kimi qayıdıb.
Evlərini tapıb, həyətlərindəki nar ağacı ilə şəkil çəkdirib.
Ailəlidir Camal, 2 azyaşlı övladı var. Qızı Xədicə ilə atası haqqında yenicə söhbət etməyə başlamışdıq ki, göz yaşları muncuq kimi süzüldü yanağından.
Camal haqqında danışırdıq ki, zəng gəldi Aysabah ananın telefonuna. "Atandır deyib", balaca nəvəsinin yanına qaçdı. Xədicə ilə birgə açdıq telefonu.
Qəmbərov, bu dəfə fotonuzu görüb, səsinizi eşitdik. Azad Qarabağda özünüzü görmək ümidi ilə...
Mövzu ilə bağlı daha ətraflı videomaterialı təqdim edirik.
