Pakistan nüvə raketini sınaqdan keçirdi
Pakistan nüvə raketini sınayıb.
Ölkə.Az xəbər verir ki, Pakistan 1300 kilometr uzaqdakı hədəfləri vura biləcək nüvə və şərti döyüş başlığı daşıma tutumu olan raketini sınaqdan keçirib.
Ordudan verilən açıqlamaya görə, 1300 kilometr məsafədə yerləşən hədəfləri vura biləcək nüvə və şərti döyüş başlığı daşıma tutumu olan "Ghauri" balistik raketinin müvəffəqiyyətlə sınaqdan keçirilib.
Pakistan prezidenti Məmnun Hüseyn və baş nazir Navaz Şərifin müvəffəqiyyətli snaqda əməyi keçən elm adamları və mühəndisləri təbrik etdiyi ifadə edilib.
Pakistanın 1990-cı illərdə istehsalına başlatdığı "Ghauri" raketinin ilk müvəffəqiyyətli sınağı 1998-ci ildə həyata keçirilib. Təxminən 2 000 kilometr uzaqlıqda hədəfləri vura bilmə qabiliyyətinə malik "Ghauri-II" raketinin müvəffəqiyyətli sınağı 1999 reallaşdırılıb.
Pakistan 3000 kilometr uzaqlıqdakı hədəfləri vura biləcək "Ghauri-III" qurğusu üzərindəki işləri davam etdirir.
Rəşid Mustafazadə
Ölkə.Az
