Deputat: “Azərbaycan Köçəryanı beynəlxalq axtarışa verə bilər”
“Azərbaycan münaqişənin sülh yolu ilə həllini dəstəkləyir. Azərbaycan Prezidenti, Ali Baş Komandan İlham Əliyev də bunu bəyan edib”.
“Ölkə.Az” xəbər verir ki, bunu deputat Nizami Səfərov bu gün keçirdiyi brifinqdə deyib.
O bildirib ki, ancaq bunun üçün işğalçı qüvvələr Azərbaycan ərazilərini tərk etməli, Ermənistan tərəfindən ATƏT-in Minsk Qrupuna, beynəlxalq vasitəçilərə işğalçı qoşunların bölgələrdən hansı ardıcıllıqla çıxması barədə cədvəl təqdim edilməlidir”.
Ermənistanın sabiq prezidenti Robert Köçəryanın işğal olunmuş ərazilərə silah və sursat daşıması barədə yayılan məlumatlara münasibət bildirən deputat qeyd edib ki, beynəlxalq hüquq normalarına əsasən, belə hallara yol verən şəxslər İnterpol xətti ilə axtarışa verilir: “Azərbaycan da bu hüquqdan istifadə edə bilər”.
Mürtəza
Ölkə.Az
