“Bütün işğal olunmuş torpaqlarda Azərbaycanın üç rəngli bayrağı dalğalanacaq” – Xalq artisti
Bu sözləri “Ölkə.Az”a açıqlamasında Xalq artisti Samir Cəfərov ermənilərin Gəncədə törətdikləri terror aktı haqqında danışarkən deyib.
Xalq artisti terror törədən bir toplumun bütün türk dünyası üçün qara yara olduğunu da vurğulayıb.
“Biz bu təcavüzkar toplumla layiq olduqları dilldə rəftar etməliyik. Bundan sonra onlara qarşı humanist davranmamalıyıq. Ermənilər bütün türk dünyası üçün qara yaradır. Bu gün göstərdiyimiz birlik, güclü iradəmiz bizə qalib gəlməyə kömək edəcək. Biz Ali Baş Komandanın ətrafında sıx birləşmişik. Azərbaycan çox güclü dövlətdir”.
Daha sonra Samir Cəfərov tezliklə bütün işğal olunmuş torpaqlarda Azərbaycanın üç rəngli bayrağının dalğalanacağına inandığını deyib:
“Allah cənab Prezidentimizə can sağlığı, şanlı ordumuza güc-qüvvət versin! Onların sayəsində cəbhədə göstərdiyimiz şücaətlər bütün dünyada alnımızı açıq etdi. Bütün dünyaya ordumuzun, dövlətimizin gücünü göstərə bildik. Allah şəhidlərimizə rəhmət etsin. Prezident İlham Əliyevin dediyi kimi, bu qan yerdə qalmayacaq. Tezliklə, bütün işğal olunmuş torpaqlarda Azərbaycanın üç rəngli bayrağı dalğalanacaq”.
Vüsalə Balayeva
Ölkə.Az
