Kiyevdə tanınmış jurnalist qətlə yetirildi

O, qalmaqallı verilişlərin müəllifidir.

Ölkə.Az xəbər verir ki, Ukraynanın tanınmış jurnalisti Oles Buzina Kiyev şəhərində qətlə yetirilib.

Oles Buzina Kiyevin Şevçenko rayonunda yaşadığı evin girişində güllələnərək öldürülüb. Bu barədə Ukrayna DİN rəhbərinin müşaviri Anton Qeraşenko məlumat verib. "Hromadske.tv"nin jurnalisti Kristina Bondarenko iddia edir ki, Buzina 4 atəşlə güllələnib.

Qeyd edək ki, Buzina ölkədə bir çox qalmaqallı telelayihələrin müəllifi olub. O, dəfələrlə Ukraynada qadağan edilmiş rus rusiya telekanallarına mütəxəssis qismində dəvət olunub.

Rəşid Mustafazadə

Ölkə.Az