Politoloq: "Rusiya Ermənistanı heç vaxt müstəqil dövlət hesab etməyib"
"Avropa Parlamentinin bu qərarı siyasi xarakter daşıyır. Axı ora elmi orqan deyil. Buna görə də, ondan tarixi hadisəyə dəqiq qiymət verməsini gözləmək yanlış olardı".
Bu sözləri Ölkə.Az-a danışan politoloq Vəfa Quluzadə Avropa Parlamentinin aprelin 15-də qəbul etdiyi qətnaməni şərh edərkən deyib.
"Hər kəsə məlumdur ki, Avropa Birliyi Türkiyə siyasətindən qəti şəkildə narazıdır. Düşünürəm ki, Avropa Parlamentində bu qərar məhz Türkiyəyə inad qəbul edilib".
Politoloq Rusiya hərbiçilərinin Gümrüdə Ermənistandan heç bir icazə almadan hərbi parad keçirməsindən də danışıb.
"Rusiya imperiyası heç müstəqil olan dövlətləri müstəqil dövlət kimi kimi qəbul etmir, qalsın Ermənistanı...”
Onun sözlərinə görə, əgər Rusiya hərbiçilərinin Ermənistan hakimiyyətindən icazə almadan İrəvanda və Gümrüdə hərbi parad keçirəcəksə, demək bu Rusiyanın Ermənistanı ciddiyə almadığının göstəricisidir.
“Rəsmi Moskva Ermənistanı Rusiyanın bir tərkib hissəsi kimi hesab edir. Bu səbəblə də, o, Ermənistandan icazə almağı lazımsız və mənasız hesab edir.
Biz fikir versək görərik ki, onlar Ermənistana təkcə son dövlər yox, ta əzəldən istifadələrində olan oyuncaq kimi yanaşıblar.
Bu səbəblə də, Rusiyanın Ermənistandan icazə almağını gözləmək sadəlövhlük olardı.
Ölkə.Az
