Bağdadda dəhşətli partlayışlar baş verdi

İraqın paytaxtında iki partlayış nəticəsində 27 nəfər ölüb.

Ölkə.Az “Reuters” agentliyinə istinadən xəbər verir ki, Bağdadda iki avtomobil partlayıb. Yerli polisin verdiyi məlumata əsasən, hadisə nəticəsində 27 nəfər dünyasını dəyişib.

Mənbələrin bildirdiklərinə görə, ilk partlayış Bağdadın cənub-qərbində yerləşən bazarda, digəri isə şərqi rayonda qeydə alınıb.

Xatırladaq ki, bu gün Erbil şəhərində ABŞ-ın İraqdakı konsulluğu yaxınlığında partlayış nəticəsində bir nəfər ölüb, 5 nəfər yaralanıb.

Rəşid Mustafazadə

Ölkə.Az