Kobzon Şamil Basayevi niyə öldürmədi?

Qroznıy şəhəri 1997-ci il.

Şamil Basayev Kobzona nə hədiyyə etmişdi? 

Ölkə.Az xəbər verir ki, yaxınlarda Rusiyanın xalq artisti İosif Kobzon memuarlar kitabını nəşr etdirib. Lakin bu kitabda artistin həyatının bütün anları əks olunmayıb. Rusiya mediasında müsahibələrin birində Kobzon konsertlərdən birini xatırlayıb:

"Birinci Çeçen müharibəsindən sonra mən Qroznıyda çıxış edirdim və tədbirə Şamil Basayev özü gəldi. Biz bundan əvvəl onunla eyni evdə 3 saat söhbət etmişdik. Sərt və kobud şəkildə danışırdıq. Buna baxmayaraq, o, konsertimə təşrif buyurdu. Orada yeganə meydança - əl oyunları stadionu var idi, başqası yox idi. Və hansısa kinobudka da var idi, hər şey toz içində idi. Oralar mənim qrim otağıma çevrilmişdi. Mən pianoçum Yevsükovla çıxdım və oxuduqdan sonra tamaşaçılar əl çalmırdılar, atəş açırdılar. Konsertdən sonra Basayev çıxdı və dedi: "Biz də böyük qonaqlara nəsə hədiyyə edirlər, ancaq müharibə hər şeyimizi əlimizdən alıb. Biz sizə ağ at hədiyyə edərdik, amma atlarımız da yoxdur. Buna görə də biz sizə döyüşçünün verə biləcəyi hədiyyəni - silahını veririk". Bundan sonra o, öz tapançasını mənə hədiyyə etdi. Çeçenistanın ovaxtkı mədəniyyət naziri Əhməd Zakayev qulağıma pıçıldadı: "Bizim qaydalara görə, hədiyyə olunan silahdan atəş açmaq lazımdır". Mən isə dedim: "Mən bilirəm sizin qaydaları, ancaq atəş açmayacağam və istərdim ki, siz də atəş açmayasınız". Bununla da mən kinobudkaya getdim. Paltarımı deyişirdim ki, Yevsükov mənə deyir: "İosif Davıdoviç, əcəb hərəkət etdiniz. Siz Rusiya qəhrəmanı ola bilərdiniz!". Niyəsini soruşuram. Pianoçu deyir: "O sizə tapança verib atəş açmağınızı istəyəndə onun özünü güllələmək lazım idi". Mən isə cavab verdim: "Ölümündən sonra qəhrəman olardım". Həmin silahı isə Moskvada FTX muzeyinə təhvil verdim".

Sözügedən tapança isə adi silah olmayıb. O, "İçkeriya Çeçen Respublikasına dəstəyə görə" verilib.

Xatırladaq ki, Şamil Basayev Rus-Çeçen müharibəsinin iştirakçısı, Çeçenistanın əfsanəvi səhra komandiri olub. O, 2006-ci ilin 10 iyul tarixində İnquşetiyada gedən avtomobil kortejindəki bombanın partlamasından sonra dünyasını dəyişib.

Rəşid Mustafazadə

Ölkə.Az